المرأه السعوديه وقيادة السياره؟

[متيم العالمي]

سوال قد يغضب البعض.. هل قيادة المرأه للسياره بالسعوديه قريب ام هو من نسج الخيال؟

[بنت النصر]

تسمح لي انقل هالمشاركة
*********************

كنت في سابع نومه يوم جت امي تصحيني
- هيوف … قومييالله
سويت نفسي ماسمعتها …وكملت نومتي ..
- هيوف …الله يهديك قومي ..الساعة 7 …
برضه سويت نفسي ما سمعتها …
- هيوف …يالله عاد …بلا مصاله ..قومي ودي خوانك للمدرسه هيوووووووف !!
ولا كأني اسمع …شوي والمويه البارده على وجهي .. قمت
وانا اتنافض من الروعه مو من المويه
- بسم الله علي !! .. روعتيني !!
- احسن ..خلك ..!! اقومك وسافهتني …
- ياربيه وش ذا القلق …الوحده ماتعرف تنام في هالبيت!!ليش تقوميني ؟؟ انااليوم ماعندي شي !!
- انا عارفه ان ماعندك شي ..قومي ودي اخوانك للمدارس
- و "نوير " وراها ما توديهم ؟؟؟
- " نوره " دوامها مايبد الاالساعه 9 ..وانت فاضيه اليوم
ما وراك شي …
- اووف …مشغليني سواق عندكم ! ورا ماتجيبون سواق وتريحوني ؟!
- اقول ..اتركي عنك الخراط الفاضي ..وقومي بس ..الروحه
فيك فيك !!
ركبت السياره وهات يابواري ابيهم يستعجلون …ركب " محمد"
و" فيصل " وأخيراًجت" سوير " ..واول ماركبت استلمتها :
- وش قالوا لك ..سواق تحت رجولك ؟!
- اقول امشي بس ..وفكينا من الصجه !!
- ابمشي غصبن علي ..بس اياني واياك تتعودينها …مفهوم؟؟
ناظرتني باستهتار وقالت :
- ايه …طيب ..طيب .. امشي بس فكينا !!
المهم مشيت بهم 180 …وقطّعت الاشارات ما احد درا عني والعيال بس يصفقون لي
- احلى يا " هيفاء " ..كذا السواقه والابلاش !!
وما بقى الا اشارة وحده يوم جيت ابقطعها الا وذاك الشبح اللي يسقط علي ويوقف يعني ما فيه امل اقطعها !! وذيك البنت اللي قاعده تكلم في الموبايل ..ناس فاضيه !!صارت الاشاره خضراء وهي تسولف ..ما انتبهت ..اضرب لها بوري ..لكن ماعندك احد!!
حولت من البي ام وزعقت عليها :
- هيه ..انتي …فيه احد له نفس يسولف على الصبح ؟! امشي
خلصينا …
فتحت الشباك ..والتفتت علي وقالت بنعومه :
- يوووووووووووف …… قرف !! …
وعشقت …وما عاد شفت الا غبارها !! …كان ودي اني ملاحقتهاعلشان ارد عليها بس ذا الصمرقع اللي معي لازم اوديهم لمدارسهم … و "سويروه"ماصدقت تمسك علي شي
- هههههههههه … هزأتك …. هههههههه …طاح وجهك ……ههههههههه …لقطيه …هههههههه
انا وصلت معي الفين وبغيت اعطيها ذاك البوكس اللي يلف بها كنها مروحه قعاديه..بس اني تعوذت من الشيطان وهونت
- اقول انطمي ..وكلي شحم !! …لو انكم منتو معي ان كان وريتها شغلها !!
- لا والله …ههههههه صدق … احلفي …هههههههه
ناظرتها والشرر يتطاير من عيني كأني لابسه عدسات :
- اها عاد …بتسكتين والا انزلي من سيارتي …وروحي
للمدرسه رجليه !!
والظاهر انها خافت …علشان كذا ماعاد سمعت لها صوت
وصلنا لمدرسة " محمد " الثانويه ويوم جا ينزل قلت ل"فيصل " :
- وش رايك تنزل معه ..يكون احسن !!
- انهبلت يالخبله ؟ انا في سادس وهو في اول ثانوي يعني
مدرسته غير مدرستي !!
- زاد ..لو ان امي جابتكم مرتن واحده ان كان اريح !!
ناظرني وهو مستغرب :
- وش تقصدين ما فهمت ؟
- اقول لو انها جابتكم مرتن وحده ان كان انتم في مدرسه
وحده ..يعني اريح لي!!… ماادري الحواطى وش يقربون لك ؟
- واحده منهم اختي …امشي بس امشي !!
الاخت الفاضله " سوير " قعدت تحوس في مسجل السياره وتفرفرالراديو …
- هيه انتي !! … ارفقي على البي ام …تراها ماهي لعبه!!
- اقول مالت عليكي انتي وبي امك …مانتن بها علينا !!
خليني بس اسوق ..ان ما فكيتيناوالله ما اركبك في سيارتي !!
- لا عاد ؟ …طالبتك … الله يخليك …تكفين ؟ … اموت اذاماركبت سيارتك !!
و" فيصل " ميت من الضحك … المهم وصلنا لمدرسته ويوم جاينزل قال لي :
- " هيفاء " توصين على شي ما شيات ؟؟
- اذلف باللي يحفظك … ماعندكم بيبسي !!
وادعس على الجلنط لحد ماوصلنا مدرسة " سويروه "
- اسمعي تراي ابطلع الساعه 1 ..لا تتأخرين ؟
- تامرين على شي ثاني ياعمتي ؟؟
- لا ابد بس ياليت وانتي جايه تجيبين لي ميلك شيك من باسكن روبنز !!
- بس ؟؟ …على هالخشم
بعد مانزلت رجعت البيت وكملت نومتي
-----------------------------------
جت امي الساعه 12 تقومني ثانيه قمت وصليت ورحت اجيب
العيال من المدارس..مريت فيصل وبعدين ساره وآخر شي محمد .. واحنا راجعين
قال لي " محمد " :
- هيوف ..الله يخليك سوي لنا خمسات في الحاره ؟؟!!
قال " فيصل " :
- ايه والله هيوف …تكفين ..من زمان ما سويتيها من عقب
ماطلع عليك ابو الجيران البغل ذاك!!
وانا عاد اثباتاً لشجاعتي ..ما صدقت خبر واول مادخلناالحاره ..الا والخمسات تشتغل ..وهات ياتصفيق وتصفير :
- احلى ياهيفاء
- ياعيني
- ياسلام
- عاشت
انا من الوناسه نسيت نفسي ومادريت الا امي تدق علىالموبايل :
- هيوف وينكم ؟ تأخرتوا ؟ … طلعوا العيال ؟
- جايين …جايين …في الطريق …بس مرينا باسكن علشان نجيب
لساره ميلك شيك …مع السلامه !!
" سوير " طيّرت عيونها فيني :
- يالخراطه !! يالنصابه !! أمّا علمت عليك ابوي مااكون ساره !!
- " سوير " لا تصيرين نذله ..وابشري اذا طلعت اليوم جبتلك ميلك شيك
- طيب ..بس على شرط ؟
- آمري انتي وتدللي كم عندنا من ساره ؟؟!
- تجيبين لي آيسكريم توفي ؟
- بس ؟ غالي والطلب رخيص !!
وانا في نفسي ودي اني " زانطتها " !!
---------------------------------------

العصر دقيت على البنات ( وفاء ، أمل ، ومنال ) علشان امرهم قبل مانروح لاستادالملك فهدواول وحده مريتها " منال " ..لقيتها ماشاء الله عليهاوالمه ..تنتظر عندالباب مهوب سناعه بس خوف من ابوها واخوانها مايدرون انها بتروح تشجع …ركبت
… بعدين مرينا " وفاء " وفتح لنا اخوها اللي في المتوسط..
- وين وفاء ؟
- وفاء تلبس وبتجي الحين ..
- قل لها تخلص علينا ؟
- بتجي الحين … هيوف ..ودي اقول لك شي ؟
- سم وش تبي ؟
- ما ودكم اروح معكم اشجع ؟؟
- لا يا حبيبي … ممنوع اصطحاب الاطفال وما امداني اقولها الا ويعصب علي ..وصارت عيونه حمراء
- انطقي بس يالعربجيه .. انا طفل يالخايسه روحي بس ……
ودخل وصقع الباب في وجهي … بعد دقيقه جت وفاء وهي لابسه ..... ورابطه شعرها بأيشارب .... في ....
- احلى … ....
وركبت قدام ومنال رجعت ورا ..وقعدت تغني :
( هيه ياشبك من شربكك ؟ من هزك ؟ منهو حركك ؟؟ انا كان
ما عندك خبر ..عندي الخبر هذا البطل …اللي وصل .......... ................
واحنا وراها … ........... ..........
وما بقى الا " امل " ..وصلت لبيتهم ولقيناها واقفه هي وابوها … سلمنا عليهم.. وابوها مره متشقق …
- لا تفشلونا عاد … شجعوا .... بكل ما اوتيتم من قوه!!
- لا توصي حريص يا عم !! امّا سمعت صوتي يغطي على صوت"محمد البكر " ما اصيرانا هيوف !!
ركبت امل ودعست 180 … مرينا كوفي شوب … على شارع التخصصي
قبل مانروح للمباراةولقينا خويتنا " مها " ..اللي تشجع ".... "..وسألتناان كنا بنروح .. قلنالها " ايه " ..
قالت " يا حظكم .. انا سيارتي خربانه ..جيت للكوفي مع ليموزين… وش رايكم اخاويكم ؟؟)
رديت عليها :
- ما هي مشكله بس على شرط ..انك ما تشجعين .... ؟
- خير وش تقولين ؟ اجل وشوله اروح … اروح علشان اشجع .... ما عاد الا هي ؟
- انا ما قلت روحي شجعي .... انا قلت تروحين معنابس تسكتين ..يعني تتفرجين !!
- ايه ان كانه كذا معليش ..المهم اروح !!
-----------------------------------
وصلنا اخيراً لاستاد الملك فهد ..اشترينا الاعلام "والزي منوه " وقعدنا ..دخلوا لا عبين .... .. تعرفون عاد مشجعات .... شويات
ما طلع لهم صوت …وانا بس التفت على " مها " …واغمز لهاياويلك ان طولتي صوتك !! ..دخلوا لاعبينا .... .. وهات يا صراخ :" ....… .... ….... "
" منال " من الخوف متلطمه بالشال علشان ما يعرفونهااهلها !! … اما " امل "فهات يا غناء ورقص … وانا صوتي يوصل للي قاعدين في
البيوت يتفرجون … " وفاء "بس تاكل في هالفصفص … اللي يشوفها يقولون معرقينهاعليه تخلصه !!
انتهى الشوط الاول بدون اهداف وانا اعصابي خلاص فلتت!! وبغيت اروح للمدرب واحوس مريره!! اجل ما طبب " .... " ولا ".... " …
حاطهم في الاحتياط ؟!!
بدا الشوط الثاني …ما صار تغيير في الفريق .. ما عادقويت اصبر ..وصحت بأعلىصوتي :
- هيه انت يالدلخ … نزل " ....." يا مال الماحي!!
وشكله خاف مني ما قعدنا خمس دقايق الا و .... نازل!!
وصرت اصفق بلا شعور .. " ....-......" .. وماامداه يطب الملعب الاويستلم الكوره ..وهات يا تسديح ..وفي النهايه وصلها .... .. اللي ما صدق انه تجيه مثل هالتمريره الا ويحطها في المرمى …
( قووووووووووووووووووووووووووووووول هدددددددددددددددددف )
يا حبيلك يا ....
مها ما عاد قوت تسكت … ما درينا الا وهي تصرخ …
- تسلل …تسلل …الهدف مو صحيح !!ناظرتها بطرف عيني :
- مها … وش قلنا ؟
- ما قلنا شي !! ….. الحكم متحيز لكم ..المفروض مايحتسبهاهدف !!
- لا والله … وانتم على أي شي تقولون الحكم ؟!! ..يكفياللي سواه فينا .... " الله يخليه لكم !!
سفهتني وراحت تصرخ على المدرب :
- هيه .. انت يالدلخ الثاني …نزل " .... " !!!!!!
يوم قالت نزل .... ..الا ونتسدح من الضحك …
- يووووه ...وش ذا الغبار ..اقول …مها … ما عندك الاالدجه !! … ....معتزل من زمان …يعني ما يلعب !!
هي تفشلت وصار وجهها اصغر من حبة الحمص .. وسكتت ماعادحكت ابد !!
نزل .... الملعب ..وسجل الهدف الثاني ..وانتهت المباراة2/ صفر
وارتفعت الهتافات اووووه يا ....…..اوووووه يا....….اوووووه يا....….يا....….يا.... نادتك البطولات ولبيت …. تستاهل الامجاد مجدٍورا مجد )
طلعنا من الاستاد ورحنا طبعاً لشارع التخصصي علشان نستعرض شوي وبعدين وصلنامنال لبيتهم ورحنا لبيت " امل " وقعدنا مع ابوها نحلل المباراة … واقترحت ان.... لو يجيب " مالديني " و " بييرو " كان تزبط اموره!!
المهم ما وصلت لبيتنا الا عند آذان الفجر !!
===============
السؤال ساقت او ماساقت ايش راح يصير
شف اخوي
كل شي رايح يصير اردنا او لم نرد
لكن متى الله اعلم
على الاقل نروح نحضر المباريات:)

[مساهر]

اتمنى ان اموت ولا أرى البنت السعودية تقود السياره

[RAUL MADRID]

ماهو السبب الي يخلي قياده النساء للسياره مستحيله ابي اعرف بس انا اشوفه شي ضروري ان النساء يقودون السياره

[بنت النصر]

اخوي مساهر
لاتموت واللي يرحم والديك:)
ليش تموت على هالسبب
لو ساقت المراة ماراح يشوفون من بيموت بسبب سياقتها
يبون يعدون الحوادث اللي بتسويها بس:)

[مساهر]

ليتها على حوادث السيارات يابنت النصر كان تهون

[المو888سيقار]

يووووووووووه بنت النصر والله اني اسف
واللى يخلي لي امي وبوي اني ما قريتها
قبل ما انزلهامن الاي ميل اللى ارسل لي اياه واحد من الشباب
وعموما اكرر اسفي وشكرا لك

[بنت النصر]

ولا يهك...

[فهد اللهيبي]

سلام الله على الجميع
----------------
يابنت النّصر (( ؟؟؟؟؟؟؟؟؟؟؟؟؟؟؟؟)) أفا !!!!
عاد هذا (( تفكيرك ))؟؟؟؟؟؟

================
يا حسافة على ما مضى من زمان

[المو888سيقار]

شكرا على روحك الرياضيه :)

[مواسم النصر]

قيادة السياره للمرأه00شيء ضرورى الان00ولكن؟؟؟؟
00القياده فيه من يقوم بها00(يعنى الرجال في البيوت
ديكورات؟؟)00اذا مانفعوا بناتهم واخواتهم وزوجاتهم00اجل من بينفعون؟؟
والله لايخلينا من السواقين 00
المهم00انا مستعده اتنازل عن كل شى في سبيل شيء واحد00
انى احضر مباراة للنصر لو مره وحده في حياتى00
امنيه اتمنى ان تتحقق قبل مااموت00
والله لو يكون فيها ماجد00بس المشكله اخاف من الفرحه00تجينى
سكته قلبيه00
ماانلام00الموضوع فيه النصر00وماجد؟؟؟ لا هذى اكيد فيها موت
على طول000000000000
قولوا آآآمين00

[العالميون]

قالوا ايه ..... حريم يبن سوقن
نعبوا غيركن ما باقي الا هي ....
واحده منكن تتخيل انه في عز القيض ماشيه والمكيف خربان والمكينه مخبطه وشريحة الجوال محترقه .. ومن زود الغم ينفجر كفر الخلفي ... وبعده على طول الكفر الاخر
ويش سوير بتسوي ... اكيد انها بتزل وتحاول تطلب المساعده ...
لكن ما احد عطاها وجه ... وما كان قدامها الا السلاح ... المهم حتى هذا ما فاد ... قامت ونزلت العده وقعدت تشتغل...
سوير ما عرفت تركب العفريته زين ولا انتبهت...
وقامت وفكت الصواميل بعد جهد جهيد فكت صاموله وحدة بس..!!!
وفجأه اهتزت السيارة وفي لمح البصر طاحت عليها السيارة وفقشت راسها ...(أحسن)
لين نخاعها متنثر ودميانها تصبصب صديقتها الهنوف مرت من عند الحادث بالصدفة وشافت الحادث اغمى عليها وفقدت السيطرة على السيارة لين قدامها تريله وما قدرت تتفاداها ودخلت تحتها
المهم ذاك اليوم ما راح على خير من كثر الحوادث...

بعيدا عن القصص والخيال .
عندنا في السليل البدويات يسوقن السيارات في البران بالشبوح (الشبح عندنا هو الجيب) والوحده ما تروح الا ومعها اخوها او مراة كبيرة معها ومعهن السلاح من رشاش وشباب وجثري ...
ويا ويل اللي يقرب منهن
واحيانا يقدن السيارة لوحدهن اذا بغن يتفقدن الحلال ويشوفون الرعيان
واحيانا يجن الديره في الصبح ويتقضن وعقب ما يخلصن يعودن للبر
مرة كنت ماشي داخل الديرة وفجأة تطلع قدامي سيارة في نص الخط قلت في نفسي اكيد هذا شايب ولا هندي يتعلم
المهم وتطلع السيارة هيلكس 84 غمارة وفيها بنت تسوقها توها ما تغطت يعني عمرها 12 أو13 سنة خاطه قرن ورا ومتحضنه الدركسون ولا تلتفت يمين ولا يسار ...
الحقيقة ما كانت لحاها معها شايب شكله ابوها
والحقيقة نادرا ما تشوف الحريم يسوقن داخل البلد خاصة من بنات البلد.
ومرة كنا في البر نشوف السيل .. ونشاهد ذيك السيارة المتعطله وفيها حريمن يشرن .. ونقوم ونروح للسيارة ونلقى مرتين وحده كبيره والثانيه صغيره شكلها السواقة ؟
وطفل ورضيع سالناهن ويش السالفة ؟
قالوا السيارة متعطلة ونبيكم تدفون السيارة او تنتشونها المهم عيت السيارة تشتغل ..
قالوا ودونا للخيمة ... وما كان منا الا ووديناهن
عموما في الديرة مانسبته 10% من الحريم قد جربن قيادة السيارة وخاصة في البران لان السليل تتميز بوجود منعتزهات طبيعية ومناطق تنزه كثيره
على كل انا ضد قيادة النساء للسيارة الا بوجود محرم اذا دعت الحاجة القصوى لذلك..

[كركر]

متيم العالمي ...
اطنه قريب بس سمعت انهم بيخصصون لهم كوكب المريخ يسوقوون فيه قل عشان مانبيه هنا على الارض :)
والله ودي الحريم يسوقون عشان اجيب لي سواقه تشتغل عندي كذا عناد:)

حسبي الله على الشيطان ليه عاد احناناقصين حريم يسوقون
ماهم اكثرمن النمل في السوقه محدقالهم شي بعد سواقه
وسحب جلنطات والتفحيط بالددسن والبي ام :)

يارب لايجي ذا اليوم الاوانامسافريارب عشان ماانصدم من وحده:)


العالميوووون ..... عاد انت تسمي حريمكم حريم :)
تجيك الوحده يدهااكبرمافيهاخطرتخمك بوكس تطيرك لينك صاك فعامود:)
كمل كلامك حلوعجبني