همس المرايا..تعال ابيك [الأرشيف] - منتدى الجماهير النصراوية

مشاهدة النسخة كاملة : همس المرايا..تعال ابيك

المراقب الفني

13-03-2001, 13:24

سيد جروحي شمس عمري وظلي..

البعد طول والخطأ منك واضح

اذا غرورك يمنعك تعتذرلي..

تعال جنبي وابتسم لي واسامح

تدري احبك لكن الموت ذلي..

ادوس انا قلبي لو الشوق جامح

الله عطاك الحظ واصبحت خلي..

والله عطاني اياك طاغى ملامح

سألتني يا ياسميني وفلــــــي..

ياكيف يشفى الورد..والشوك جارح

مثل العيون اللي لها كل كلي..

زايد حلاها لكن الدمع مالح

وش تنتظر يكفي دلال وتغلي..

الوقت ماهو للوصل دوم سانح

مادمت ترحالك ومادمت حلي..

ان صرت انا خسران ماصرت رابح

لا تعطي الفرصة لعذالنا اللي..

لكل ماهو يهدم الحب طامح

مالك صبر عني ومالي تسلي..

والوقت خيل صوب الاجال رامح

سيد جروحي شمس عمري وظلي..

الحب بعد وقرب ..مخطي وصافح

اذا غرورك يمنعك تعتذرلي..

لاتعتذرلي قول اسمي واسامح

HAWK

13-03-2001, 18:27

تبي همس المرايا انا ولد عمه ماشي ولا لا تعال مهب قطت وجه ...
اقدر اساعد والا لازم هوووووو.......

المراقب الفني

14-03-2001, 10:01

والله انت على العين والرأس بس وش يثبت انك ولد عمه ,,لوسمحت البطاقه‍‍‍....

ياناس همس المرايا ضاع ... يارب يامعبود انك تجيبه
اكلي برد وايسكريمي ماع... وها الولد وش اسوي به

HAWK

14-03-2001, 17:22

همس المراياحبيته من سنين
********************بس الله يعينه في مشاغله عليل

HAWK

14-03-2001, 17:23

همس المراياحبيته من سنين
********************بس الله يعينه في مشاغله عليل

ابشر والله بس هو راح يقولك

همس المرايا

28-03-2001, 20:17

هلاهلاهلاهلاهلا المراقب الفني
اشكرك على القصيده وترى توني انتبه بعد مانبهني لها هوك
وانشالله الرد يجيك الليله .. بس الابيات كنها غريبه شي ;)

تحياتي

همس المرايا

29-03-2001, 12:58

هذا الرد على قصيدك اخوي المراقب الفني واسف جدا على التأخير

العين تسهر والسهر مايحلي
في عقدة المشتاق شيٍ يكافح

جار الهوى وجفن عيني يهلي
من دمع عينٍ صار ابه شوق فاضح

ياتل قلبي تل حرٍ يتلي
في امذير المصيود والحر جارح

بأسباب خلٍ في رموشه تدلي
تهز في ريح الهوى كان لافح

لاواعذابي كان زاد التبلي
في حالة المظلوم والعدل رايح

يانرجسة ياكل زينٍ ودلي
ياكل كل الكل غيرك ملامح

تعالي للي صار كله يهلي
من عقب ماصرت عن الزل دامح

انسي سنينٍ ماضيه ثم طلي
في عيون من هو صار به شوق كاسح

مسموح ياللي فيك شيٍ يعلي
من همة المشتاق ياعطر نافح

مسموح لكن شرفي في محلي
عشان اصدق انك انتي مسامح

الود عقده والعقد ماتحلي
ياكود فيها بعض حبٍ يكافح

والدمع سافر فوق خدٍ يهلي
لاجل العيون السود لو صار فاضح

وتحياتي لك

 
 [عدلت بواسطة همس المرايا ت:29-03-2001 س: 12:20 PM]

HAWK

30-03-2001, 20:19

هلا والله لترفيع(لقافه)

همس المرايا

01-04-2001, 16:28

ووووينك يالمراقب الفني عسى ما خلاف ..

هوك وش ترفع .؟ ;)

:D:D:D:D