تقول امزح ..............!!!! [الأرشيف] - منتدى الجماهير النصراوية

مشاهدة النسخة كاملة : تقول امزح ..............!!!!

همس المرايا

13-04-01, 10:21

هذي قصيده خاصه لبنت الخبر .. وعلى قولتك يابنت الخبر .....

امزززززززززح ..........!!!!!!!!!!

ســلام مني ياهل الحـــط والشيل -*- سنه نبيٍ مصـحف الدين شالــــه

بنيه فيـــها نويت التهاويـل -*- واللي يــريد الشر يلقا مثــــــــالـــه

يصحى به النايم ويعدل به الميل *-*- وكلٍ على حـــده يــوقف جمالـــه

الشعر له عندي مقر ومداهـيل -*- وهمـس في الشعر كــريمه سبـاله

اعسف عنيده عسفة مذير الخيل -*- واشوم عن واطيه وارقــا جبالــــه

فــي وسط قلــبي له معزه وتبجيــل -*- واجزل له المعنى بـثقل الجزاله

وانتي بنيه صغيره مالها حيل -*- ملبوسهٍ فـــي الشعر جنـــون الهبالـه

من منتدى النصر بعث لي مراسيل -*- وجاني الرسول وقلت خذلي رساله

يم البنـت الي تشيل المواويل -*- من هاجــسٍ لاجا القصيـــد ومجالــــه

بحرٍ غزير وطعمه اعذب من النيل -*- ونارٍ على راعي الردى والجهاله

وقــــل للبـنـت الي تـــريد الغرابـــيل -*- مادام بعـض الهــرج طول جداله

والله لـــو قدرك تــعلا المخايـيل -*- وصفق لك صفوف البشر والحثــالــه

مالك على هـمـس طريق ومداخيل -*- والشــــعر ماتــبغين يمـــه دلالـــه

الشعر مع غير الرجال المشاكيل -*- جســــمٍ بلـــيا روح يــرثى لحـــاله

مــايكتــبنه لابـــسات الخــــلاخيل -*- بعد السما صعبٍ علـــيهن منـــاله

يا بـنـت حـطـي فـوق بـشرتك تجميل -*- ولـــو كان رســـم الزين فيك استحالــه

ولا اقفى نهارك وابتدى ساعه الليل -*- والشعر في قلبك بدى في بأشتعاله

تــذكري مجنون بـــدع التماثـــثيل -*- مــري على هــمـــس وروي وصاله

وسلامتكم

بنت الخبر انزلي تحت

اامزح !!

 
 [عدلت بواسطة همس المرايا ت:13-04-2001 س: 11:54 PM]

HAWK

13-04-01, 10:44

همس طيب تمزح ...الغلط وارد واحيانا نرى انه غلط ولاكن غير مقصود او ان نظرتنا له خاطئه ...عموما ماصار الا كل خير ...

امسحها في وجه ولد عمك HAWK

ولك تحياتي

بنت الخبر

14-04-01, 01:17

همس المرايا .. قصيده رائعه ومقبول منك المزح :)

 
 [عدلت بواسطة بنت الخبر ت:14-04-2001 س: 02:27 AM]

همس المرايا

14-04-01, 03:16

اخوي هوك ابشر بسعدك لكن الكل يغلط لكن الغلط هو التمادي فيه

تحياتي لك

اختي بنت الخبر مزحي هذا خفيف وش رايك بمزحه ثانيه ;)

TAZ

14-04-01, 08:46

يا حبني لك يا همس :)

بس ما خبرتك كذا والله !!! هدّي يابو الشباب شوي :D

بنت الخبر تراهي مزوحيه حيل وأكيد النيه صافيه ولا تقصد شئ ( ولو أن لسانه طويل حبتين :D ) بس ما عليه :)

بعدين يا همس هوك يقول لك أمسحها بوجهه , طيب وراك ما تمسحها بوجهه ياخي وتخلصونا :D

هوك اممممممممممزح لا تزعل :D

HAWK

14-04-01, 08:56

السلام عليكم....مدري فيه احد منادي هوك كني سمعت جايبين طاريه
او كذا ....ايه اجل مع السلامه توصون على شيء